sajak

Sajak A.F.Bustomi

Kukupu Tukangeun Kaca

Aya pamandangan éndah poé kamari
Tukangeun jandéla aya kukupu anteng eunteup na kembang kapas bodas
Warna jang-jangna pulas beureum lipen setip,

Meni nyurup katinganla matak resep ningalina,
Hanjakal si Ujang aya di hareupeun jandéla,
Kahalang kaca pigurasaan kurasa suka
Nu teu bohong nembongkeun manis lucu manéhna

Cilimus 20110317


Baheula Ukur Baheula

Baheula urang babarengan

mawa jeujeur jeung uuseupan

Baheula urang babarengan

Ngéléd bebegig di galengan

Baheula urang babarengan

Nguliat keun awak ngusikeun ramo kahirupan

Émut teu, basa urang noong bulan keur waktu panén

Émut teu, basa urang nyolong buah nu urang sorangan

Émut teu, basa urang seuseurian leumpang dinu mebleng jauh tina caang

Émut teu, basa urang ngayuman kecrik ku kenur harepan

Ému teu, baheula urang babarengan

Baheula sobat,

Baheula urang babarengan

Ade101118

Aya, Aya, jeung teu aya

Aya langit nu lénglang

Aya hawa soré nu seungit

Aya hiliwir angina nu anteng

Aya panon poé nu nyorot tengtrem

Aya hal nu teu aya

Climus101119

Dinamika Kula

Jentréng kacapi geus teu ngagalindeng deui di galengan sawah nu lega tapi

Kiwari jenténg kacapi ngagelik di rohanangan sempit di puseur kota

Di cepét ku wangunan anu geus leupas

ti purwajati sunda jeung jeung purwadaksi agama

Angin ngahiliwir

tuluy muter robah jadi angin puting beliung dina luhur hulu

Bekasi10111819

Manuk

Kahatur Rangga Gumilang

Manuk jalu hayang ngalingling wiati ngalanglang jomantara

Teu sieun taya kaboga sieun ragrag sieun balangsak

Tapi bet raheut jangjangna

Sing inget kana sayang di tangkal emas

Tapi bet naha kasima sagara

Manuk bikang ngayonan sagara motah

Manuk jalu lumamapah ilaharna manuk

Manuk bikang euteup na tangkal emas

Manuk jalu nampik datangna manuk bikang nu baheula

10/2-28

Rokaat Kahirupan

Dikawitan ku bacaan takbir

Nu minuhan ceuli jeung meded nepika haté

Sakecap, dua kecap, karasa éndah sawarga dunya

Tapi dina waktuna lalampahan jeung ngalalana

Laian tujuan utama hirup di dunnya

Aya waktu  nungkulkeun hulu handapeun taktak bebeneran

Kuring hayang nangtung nyanghareupan kahirupan

Dina simpe kuring salawasna sumujud ka anjeun

Dina tungtung pangharepan,

Rét ka katuhu, Kahirupan panjang nu geus teu anggang

Rét ka kénca, Rohangan nu kosong molongpong

cilimus 100818

Cinta dina Cimata

Gening betah aya dina lahunan anjeun téh

Ngémutkeun kana rupa-rupa kajadian nu kaalaman

Bagja, cilaka, gumbira, gening ngansaukur papaés dunya

Aya rébuan sajak teu kakocap  jang ngabales surat-surat ti anjeun

Aya rébuan sikep disumputkeun tina pangawas anjeun

Tapi anjeun tetep deukeut, tetep asih, tetep nyaah

Lila kuring neuteup leleb haté ieu

Naha masih sanggem anjeun nampi kuring

Keclak cimata sumerah nyakclakan maseuhan sajadah

Cilimus 100821

Sareupna

Marahmay,,,,

Dina tangkal camara anu kacida langlayeuseun nana

Kalayang batin, ngageber impènan anu teu aya maksudna

Kadeudeuh silih tindih jeung rasa jumerit anu kaluar tina jero bayah

Wanci anu sakieu sumoretna,nanda  yèn dunya geus sareupna

Naha ari anjeun arèk kamarana?

Èk saha anu nungguan batin anu kasiksa

Mun jalma kabèh na hatèna ngaleut muru dayeuh implengan

Rasa kucèwa pating garulung jeung rasa bagja anu teu walakaya

Naha ari enèng, sugan nanya saha ari dunya?

Sugan tuur dunya geusting carodcod nanggeuy sagara

Naha ari anjeun arèk kamarana?

Nalika runtuyan cimata ngagejrèt ninggang cilaka

Teu karasa wanci geus condong ka sareupna

Maranèhna, masih kènèh ngahuleng bari teu tumanya

Cilimus 08

Sandèkala

Panon poè surup ngabeureum endog

Teu karasa wanci geus ninycak careupna

Suku beki kacida nincak koral nu garing

Nyeceb kana jero hatè nu kuciwa

Kèsang ting galujrag balap jeung nu keur lalumpat

Naha geuning jama tèh kalah beki loba ?

Lain ieu wanci geus sareupna ?

Ti gigir lapang, katempo pelatih gugupayan

Nitah lumpat sina beki gancang

Moro rènghapan anu kari sèsa

Anu geus ngadeukeuten kana mangsa

Taya nunanya iraha urang bakal midangna.

Stadion Bumi Siliwangi

Anjeun

Galècok hatè, galècok manuk

Sieup anjeun ngolèbat na uteuk

Neuleuman hatè kuring sorangan

Leleb kuring nyokot rènghapan

Karasa hayang ganti panineungan

Anjeun anu ku kuring disorang

Na bener anjeun kembang impènan

Hatè kuring sok tumanya…..

Keurnaon anjeun nahatè kuring?

Cilimus

Si Ujang Ai

Mah si ujang ayeuna mah tos wani ngamam cabe
tapi hapunnten mah Ai can tiasa jadi tentar

Cilimus 110315

Na Hiji Lampah

Salèngkah dua lèngkah

Kaambeu hiliwir seungit birahi

Salèngkah dua lèngkah

Borèlak ngolèbat bodasna pingping jeung bujal

Ya Alloh,,,,,,,

Jurig naon nu aya di hareupeun kuring

Bumi Siliwangi

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s

Désémber 2016
M T W T F S S
« Feb    
 1234
567891011
12131415161718
19202122232425
262728293031  
%d bloggers like this: