Barakatak

JUJUALAN

wew

wew

Adun : “Don, hebat gening manéh ayeunamah.”

Adon : “Hébat timana holna.”

Adun : “Cénah ceuk pamajikan ngajual sagala ti mimiti alat dapur tepika elektronik. gedé atuh untungnga.”

Adon :  “Gedeé sih gedé, tapi eta barang teh nu aya di imah. Dijual jang dahar.”

Adun : “Wah!!”

Adon : “Sakeudeung deuigé urang aré ngajual imah, hébatnya!”

Ngabatalkeun Puasa

Udin        : timana euy, wayah magrib kieu bet hol ti cai, lain buka puasa di imah.

Rusman    : puguh tos ngabatalkeun puasa, noong awéwé nu mandi di cai, hehe

(bari sura-seuri)

Udin        : kitu! skalian atuh urang can ngabatalkeun puasa, hayu urang gelut ayeuna

Rusman    : naha? (Kerung)

Udin        : nu di cai téh pamajaikan aing nyaho!!yeuh rasakeun peureup aing deuleu!!!

Rusman    : (ngabecir lumpat)

Paloba-loba Pahala

Salim               : hébat euy Si Junéd mah, éta ti tos lohor tepika asar teu eureun-eureun hayuh waé ngadekul wiridan di tajug

Juhé                 : pasti pahalana geus numpuk jalma caran kitu mah,,,

Udin                : teu sabaraha atuh mun dibandingkeun jeung kuring mah,,,

Salim               : manéh kuat sabaraha jam kitu?

Udin                : ti tos subuh tepika ek magrib.

Juhé                 : Wiridan?

Udin                : lain, saré! Pan sarua éta gé meunang pahala, lain?

Salim & Juhé   : Kumaha manéh waé lah.

Teu Kabita

Iteung      : kabayan iraha arék daék puasa téh? yeuh sing hayang apal mah puasa téh mang lipet-lipet pahalana. Komo mun teu kabita kunu tara puasa mah.

Kabayan : pang ieu gé enggeus,,,,,,,

Iteung    : Puasa?

Kabayan : lain. Tapi teu kabita kunu keur puasa

Iteung      : kumaha manéh waé lah

Ku Tikus

Adun : Nyaan éta mobil ringsek téh. Manéh apal teu  kunaon kuat ka kitu?

Iding : Teupira cénah mah ku tikus

Adun : Ah malenya ku tikus? naha kutikus naon nepi ka kitu?

Iding : Heueuh apan ku tikusruk kamari ka susukan

Adun : Beuh,,,,,

Jam

Ibu guru : Cik barudak, aya nua apal teu teks Proklamasi kamerdekaan RI ku bapa Soekarno  dibacakeuna jam sabaraha

Otong    : Jam,,,,,, jaman baheula bu,,,,,,

Ibu guru : (olohok,,,,)

Reungit

Uhé         : Kabayan, cénah nu sok ngégél téh reungit danten nya?

Kabayan : Cenah mah.

Uhé        : Tapi urang bingung kumaha cara ngabédakeuna reungit jalu jeung reungit danten,,

Kabayan : Nya gampang atuh éta mah.

Uhé         : kumaha tah?

Kabayan : Tempo waé reungit keur kiih, mun nangtung jalu, mun nagog bikang.

Uhé        : kumaha manéh waé lah,,,

Kurban

Kosim              :Duy, cénah si Udin dina idul adha ayeuna miluan kurban di Mentawai

Enduy             :Cenah mah, da kanjat ka béak harta banda loba

Kosim              :Naha kurba naun si Udin téh tepi ka kitu, kurban domba atawa sapi?

Enduy             :Lain deuleu! si Udin mah kurban sunami

Kosim              :Wah!

Tangkal

Bu guru           : Barudak dina jaman pemanasan global ieu, urang kudu loba melak tatangkalan.

Udin                : Uhun bu, kamari ge bapa abi di karang melak tangkal mahoni.

Entin               : Sami bu, bapa abi ge melak tangkal albi di pipir bumi

Ujang              : Komo bapa abi mah, unggal dinten padamelana melak tangkal

Bu Guru          : Wah hébat atuh. Melak tangkal naon cénah Ujang

Ujang              : Tangkal listrik sareng tangkal sinya bu,,,

Bu Guru          : (Olohok,,,)

Pasar II

Tukang baso I             : Pokona mah baso urang nu paling seger daging nagé asli ti pasar senén nu dagingna geus kawentar saleger.

Tukang baso II            : Masalah daging seger mah, segeran urang atuh, da dibeli nagé ti pasar subuh.

Tuikang baso III         : Geus pasti atuh masalah bahan jang baso mah pangsegerna nu urang.

Tukang Baso I             : Naha timana kitu manéh nyokot dagingna?

Tukang baso III          : Baso urang mah daging nagé nyokotna ti pasaran.

Tukang baso I, II        : (olohok)

Teu jadi kawin

Kemed : “Man, Ceuk indung urang Neng Tuti teu jadi kawi.”

Maman : “Manjur euy pélét Bah Ijum téh.”

Kemed : “Naha manéh nyarita kitu.”

Maman: “Ayeuna pasti manéhna bakal momoro urang jeung geuleuheun ka Si Junéd tunangana.”

Kéméd : “lain pédah pélét manéh néng tuti teujadi kawin téh, tapi kamari soré maot katabrak mobil.”

Maman : “Wah!”

Pangmandiankeun

Iteung : Geura mandi Kabayan geus beurang yeuh, tong canukul baé!

Kabayan : Horéam ah, mandi sorangan mah. Pang mandiankeun atuh,

Iteung : Sok atuh. Ngan bérés dimandiana manéh kudu daék disolatan,,,,

Kabayan : teu jadi ah!!!

Cover Boy

Ocid : dos, gawé naon silaing di Bandung téh?

Odos : Ėta jadi cover boy,,,,,,

Ocid : Ngeunah atuh unggal poé dipoto.

Odos : Ngeunah anon! Unggal poé sibuk jeung kertas.

Ocid : Naon hubungana cover boy jeung kertas?

Odos : Pan urang téh gawé di poto copyan mamang manéh.

Ocid : ning juah- jauh ngarana jadi cover boy.

Odos : pan cover téh jilid buku, hari boy lalaki, jadi lalaki anu ngajilid buku.

Ocid : Bedul téh,hanas didéngékeun!!!

Mati satu tumbuh seribu

Ujang : “Kunaon ki tepika gering parna kieu?”

Aki    : “Aki téh pan pejuang, cénah mun pejuangmah mati satu tumbuh seribu.”

Ujang : “Terus hubungana?”

Aki      : “Ieu huntu aki copot hiji, teu kabayang mun ké jadi deui sarebu,”

Leuwih Hébat

Udin : “Bapa uing mah kamari meuli radio meunang hadiah kasét”

Mimin : “Leuwih hébat bapa urang”

Udin : “Kumaha kitu?”

Mimin : “Meunli konci motor meunang hadiah motorna”

Angger

Si Odon: “Ma,tadi abi kenging peunteu sapuluh disakola.”

Emana: “Sinarieun gening,pan biasanamah sok peuteun nol waè manèh tèh, teu dicarèkan atuh ayeunamah ku ibu guru tèh?”

Si Odon: “Henteu ma, ngan piwarang kapayun hungkul.”

Emana: “Pasti dialemnya ku ibu guru?”

Si Odon: “Sanes ma disetrap,da nu sanèsmah kènging penteu saratus.”

Emana: “Euh,,,,,,angger.”

Ngaran Lain

Anak Si Kabayan: “Pa, papatahan lah ieu aya PR ti ibu guru.”

Si Kabayan: ”Gampang, sok arèk nanya naon?”

Anak si Kabayan: “Bahasa laina alur mundur naon pa?”

Si Kabayan: “Flash back atuh, nu kitumah gampang,sok naondeui?”

Anak Si Kabayan: “Oh,,,,mun bahasa laina alur maju?”

Si Kabayan: “Eu,,,,,,nya pasti flas disk”

Anak Si Kabayan: Oh,,,,,(Bari unggut-unggutan)

Saruana

Kacaturkeun aya dua pamuda keurngobrol sisi jalan

Pamuda 1: “Hèbatnya jaman kiwarimah aya club poligami sagala.”

Pamuda 2: “Tapi kuringmah teu satuju euy mun lalaki poligami, nyirikeun loba pisan kahayangna, da sabenerna nyiar pipamajikaneun mah  anu solèh, beageur, jeung kudu nurut ka salaki ku èta gè geus cukup.”

Pamuda 1: “kè,kè,,,, kunaon atuh silaing tèh boga kabogoh satilu-tilu.”

Pamuda 2: “Nya tipamajikaneun, pan nu hiji solèh, nuhiji bageur, jeung nu hiji deui nurut.”

Pamuda 1: “Euh,,,,saruana,,,,,,,!!!”

Pelatihan P3K

Kacaturkeun  aya hiji pamuda keur di introgasi ku Polisi

Polisi: “Sok caritakeun kunaon babaturan manèh tepika paèh”

Pamuda: “Kieu pa, tadi basa uih ti pelatihan P3K di balèdesa, si Odon tarangna raheut, kakait ku cagak jambu di sisi jalan, ningali getih nu ngocor tina tarangna manèhna tèh gègèrèmèan. Numutkeun pelatihan P3k, mun aya kajadian kitu tèh kudu di sarèkeun tuluy dipencet urat nadi nu pang deukeutna, ku abi si Odon tèh di sarekeun tuluy di pencèt urat nadi nu aya dina beuheung na, tepika manèhna tèh eureuh gègèrèmèanna. Tapi da abimah, teu apal nanaon pa, ngeunaan maonta si Odon mah.”

Polisi: “Kumaha nyanèh waè!!!!!”

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s

Désémber 2016
M T W T F S S
« Feb    
 1234
567891011
12131415161718
19202122232425
262728293031  
%d bloggers like this: